Asphyxia

Efimeri
u sofor lewn in-naspli,
dawn il-blalen bid-dħaħen tal-gass;
jitqaħħbu maż-żiffa
sa ma jinfirxu
nkiss inkiss,
joħonqu kull ħlejqa selvaġġa li jsibu
qabel tinduna li jk...

X’nagħmbuh l-isem?

What's the Use of a Title?
Charles Bukowski

Mhuwiex jirnexxielhom
is-sbieħ dejjem jinqerdu qalb il-fjammi:
pirmli, velenu tal-ġrieden, ħbula,
kwalunkwe ħaġa....
iċarrtu l-polz,
ituha għal isfel minn xi tieqa,
jaqilgħu għajnejhom ‘il barra,
ma jridux jafu b’imħabba
ma jridux jafu b’mibegħda
ma jridux jafu.

mhuwiex jirnexxielhom
is-sbieħ mhux jistaportu,
huma l-friefet
il-ħamiem
l-għasafar tal-bejt,
li mhux jirnexxielhom.

fjamma waħda twila
filwaqt li x-xjuħ jilagħbu l-boċċi l-pjazza
fjamma waħda, fjamma ġmielha
filwaqt li x-xjuħ jilagħbu l-boċċi l-pjazza
fix-xemx.

is-sbieħ issibhom f'kantuniera ta’ xi kamra
imħabbla qalb brimb u siringi, fis-skiet,
u m’aħna se nifhmu qatt għalfejn telqu,
kienu tant u tant
sbieħ.

mhuwiex jirnexxielhom,
is-sbieħ dejjem imutu żgħar
u jħallu 'l-koroh għall-ħajja kerha tagħhom.

ferħana w fuq tagħhom: ħajja w suiċidju u mewt
waqt li x-xjuħ mitlufa jilagħbu l-boċċi fix-xemx
fil-pjazza.

2015

2005

cnn gmail digg blog blog blog gmail digg cnn cnn cnn cnn bbc di-ve maltarightnow gmail gmail gmail blog blog itunes cnn gmail digg blog blog blog gmail rss blog gmail di-ve cnn cnn digg cnn gmail blog itunes itunes gmail cnn cnn cnn bbc di-ve maltarightnow digg blog blog blog itunes cnn gmail digg blog blog blog gmail rss blog gmail di-ve cnn cnn digg cnn gmail cnn gmail digg blog rss rss rss cnn cnn bbc di-ve maltarightnow gmail gmail gmail blog blog itunes cnn gmail digg blog blog blog itunes gmail cnn cnn cnn bbc di-ve maltarightnow digg blog blog blog itunes cnn gmail itunes cnn gmail digg blog maltarightnow gmail gmail gmail blog blog itunes cnn gmail digg blog blog blog gmail rss blog gmail di-ve cnn cnn digg cnn maltarightnow gmail gmail gmail blog blog itunes cnn gmail digg blog blog blog gmail rss blog gmail di-ve cnn cnn digg cnn blog blog itunes cnn gmail digg blog blog blog gmail rss blog gmail di-ve cnn cnn digg cnn gmail cnn gmail digg blog blog blog gmail digg cnn cnn cnn cnn bbc di-ve maltarightnow gmail gmail gmail blog blog itunes cnn gmail digg blog blog blog gmail cnn gmail digg blog rss rss rss cnn cnn bbc di-ve maltarightnow gmail gmail gmail blog blog blog blog itunes gmail cnn cnn cnn bbc di-ve maltarightnow digg blog blog blog itunes cnn gmail itunes cnn gmail digg blog maltarightnow gmail gmail gmail blog blog itunes cnn gmail digg blog blog blog gmail rss blog gmail di-ve cnn cnn digg cnn maltarightnow gmail gmail gmail blog blog itunes cnn gmail digg blog blog blog gmail rss blog gmail cnn bbc di-ve maltarightnow gmail gmail gmail blog blog itunes cnn gmail digg blog blog blog itunes gmail cnn cnn cnn bbc di-ve maltarightnow digg blog blog blog itunes cnn gmail itunes cnn gmail digg blog maltarightnow gmail gmail gmail blog blog itunes cnn gmail digg blog blog blog gmail rss blog gmail di-ve cnn cnn digg cnn

Bjuda

Trab kont,
trab għadek tfittex
u trab għad it-trab iġibek, ma jdumx.

U Yevgeny?

Buon compleanno, Elvis

Bdejt tgħoddhom
Fuq zewġt idej'
Bdew itiru
W ma tafx l-għalfej'
Żdiedet sena
Naqsu tnej'
W'issa d-dsatax
U ma fadal xej'.

In Desperate Need Of

Serbut

Dak li ġara f'dawn l-aħħar ftit staġuni għallimni u wrieni li naħseb kien kmieni wisq.

Tgħid se jirnexxieli nħalli n-nemel bieżel w għammiel ikompli jħaffef waħdu fl-ossessjoni frenetika tiegħu biex jilħaq iġorr il-frak kollu sax-xitwa ta' tliet snin oħra? Tgħid aħjar inwarrab fil-ġenb għalissa, u nfittex il-frak darb'oħra, meta nkun iddeċidejt li rrid nħabbat wiċċi max-xitwa u nagħraf jien il-valur tal-ġbir tal-frak?

Minjaf. Ħadd ma jaf, ħlief jien.

Imma l-istess jien jiġi jaqa' u jqum mill-frak għalissa. Kont kapaċi nġorr dak li fadal minn qoxra ta' larinġa fuq il-ħafna saqajn tiegħi aktar kmieni, naħseb, imma bħalissa m'għandix ġuħ u ftit nara l-punt ta' dawn il-ħafna vjaġġi qosra bil-piż ta' l-ikel fuq rasi. U qatt ma fhimt l-għaġġla tan-nemel l-oħra, 'qas li kieku. Jekk kuntenti jgħaġġlu huma, ħadd mhu se jmerihom. Dawk jaraw biss l-iktar frak tal-ħobż, biċċiet taċ-ċikkulata u ċapep taz-zokkor li se jitħanżru fihom fis-sajf ta' wara dik ix-xitwa ta' tliet snin oħra. Ħnieżer.

And then one day you find ten years have got behind you,
No one told you when to run
You missed the starting gun

Reading Bukowski

Non ce la fanno
i belli muoiono tra le fiamme:
sonniferi, veleno per i topi, corda,
qualunque cosa........
si strappano le braccia,
si buttano dalla finestra,
si cavano gli occhi dalle orbite,
respingono l'amore
respingono l'odio
respingono, respingono.

non ce la fanno
i belli non resistono,
sono le farfalle
sono le colombe
sono i passeri,
non ce la fanno.

una lunga fiammata
mentra i vecchi giocano a dama nel parco
una fiammata, una bella fiammata
mentre i vecchi giocano a dama nel parco
al sole.

i belli si trovano all'angolo di una stanza
accartocciati tra ragni e siringhe, nel silenzio,
e non sapremo mai perchè se ne sono andati,
erano tanto
belli.

non ce la fanno
i belli muoiono giovani
e lasciano i brutti alla loro brutta vita.

amabili e vivaci: vita e suicidio e morte
mentre i vecchi giocano a dama sotto il sole
nel parco.

What’s the use of a title?
by Charles Bukowski

They don’t make it
the beautiful die in flame-
suicide pills,rat poison,rope what-
ever…
they rip their arms off,
throw themselves out of windows,
they pull their eyes out of the sockets,
reject love
reject hate
reject,reject.

they don’t make it
the beautiful can’t endure,
they are butterflies
they are doves
they are sparrows,
they don’t make it.

one tall shot of flame
while the old men play checkers in the park
one flame,one good flame
while the old men play checkers in the park
in the sun.

the beautiful are found in the edge of a room
crumpled into spiders and needles and silence
and we can never understand why they
left,they were so
beautiful.

they don’t make it,
the beautiful die young
and leave the ugly to their ugly lives.

lovely and brilliant: life and suicide and death
as the old men play checkers in the sun
in the park.

Certe Notti

Certe notti la macchina è calda
E dove ti porta lo decide lei
Certe notti la strada non conta
Che quello che conta è sentire che vai
Certe notti la radio che passa Neil Young
Sembra avere capito chi sei...

...Certe notti c'hai qualche ferita
Che qualche tua amica disinfetterà
Certe notti coi bar che son chiusi
Al primo autogrill c'è chi festeggerà

* * *

Delivered
Date and time:
23:50:00
29/03/2006

Karnival, Kuluri, Kimika

MARSASCALA, Malta (di-ve news) -- February 26, 2006 -- 1650CET - A 16-year-old young man from Zejtun is in danger of dying following a drug overdose.

The teenager was found unconscious in an apartment in Marsascala at around 0430CET on Sunday morning. Preliminary police investigations show that the youth had allegedly abused of heroin.

The teenager's brother, 19-years-old, had called an ambulance which took the 16-year-old to St. Luke's Hospital.

The teenager is recovered in intensive care and his condition was described as grave.

Font ta' l-aħbar

In Memoriam, Patrick John (k.a. Peter) Todd

Kont qed nikteb fuqek il-bieraħ fil-għaxija, imma sa minn meta sirna nafuk ħdax-il sen'ilu, naf li kont dejjem riservat u kieku ma tantx kont tkun kuntent li jinkiteb xi ħaġa dwarek.

Allura se niftakar biss fil-memorji sbieħ li għandi tiegħek u fl-indipendenza li kont tgħix, għalkemm kont maħbub mill-ftit li sirt taf f'dil-gżira fejn ġejt tgħix għal kollox. Kont baħri prim li kien jaf x'għandu jagħmel fil-maltemp u fuq kollox, raġel mill-aktar twajjeb li ma kienx jaf b'ħażen u qatt ma naqas minn rispett liema bħalu lejn ta' madwaru. Tali rispett li forsi aħna li m'aħniex maqtugħin minn kulħadd, lanqas qatt noħolmu li nħossu ġenwinament lejn ħaddieħor.

Is-sfura fuq ġildtek fl-aħħar ftit mumenti qabel ingħalaq it-tebut u l-espressjoni sinċiera fuq wiċċek li ġarrejt miegħek sa l-aħħar nifs, dawk se jibqgħu f'moħħi.

U mxejt 'il barra bil-mod kif intemm kollox, nhewden fuq min imissu.

"Saħħa!", kif kont tgħid int b'dak l-aċċent oħxon Londiniż.

Ħġieġ imfarrak

Uħud minn dawn is-siltiet jistgħu jkunu kompletament jew parzjalment fittizji. Il-linja bejn ir-realta' u l-fizzjoni skoprejt li hi ħafna iktar imdennsa milli kont drajt naraha.

Reġa' xegħel id-dawl fl-appartament fejn kont ngħammar.

L-avukat iss'għadu kif telaq bil-formoli li nbidel sid id-dar. Tfal ma kellniex. M'għandux ikun hemm problemi. Naħseb insomma. Uwijja, imbagħad naraw. Id-dinja raddiena, illum minn fuq int, għada... ġurnata bħall-oħrajn.

***

Is-sekondi-kuġini iltaqgħu fuq l-eteru. Hi minn Malta. L-oħra mill-Ingilterra. Wara tant snin, ikkomunikaw b'mezz ġdid. Hi tgħix waħedha l-Ingilterra għax ir-raġel ma tafx fejnhu. L-oħra qegħda hawn. Iltaqgħu u ħerqanin bħan-namrati għall-ewwel ħarġa b'dik il-ħeġġa li mbagħad tmut, forsi. Imma dawn ilhom jafu 'l xulxin.

***

- Ironika l-ħajja...

- Uuu, il-"ħajja" man, ma stajtx titkellem fuq suġġett bla sens iktar minn hekk

- Mhux li tibża' wisq għaliha int, imma mhux se nindaħallek

- Jien għalhekk nieħu gost nitkellem miegħek man ta' kultant, għax int biss tifhimni jew imqar tipprova tismagħni. Ma' l-oħrajn li ma jħawdux, qisni qed nitkellem lingwa differenti.

- Eh, hehe

- Ara kemm kienu jgħidulna affarijiet tas-Sedqa u l-imbarazz, l-eroina biss iġġagħlek tinsa. Mhux tinsa, imma tkun 100% ma jimpurtakx qisu. Bil-pills iktar taqa' down.

- Each to his own....

- King int! Isma', ħa nħallik ta'

- Mur, moħħok hemm u ħu 'qqalla ħsieb, nofs ras, f'ġieħ il-madonna.

- :)

***

- Maaaa, ħu ħabibti... ta' 7 snin għadhom kif sefruħ. Għandu brain tumor.

- Baby, è un mondo super.

***

- Madonna, illum iltqajt ma' ħabibti kienet skola miegħi u tgħidx kemm qegħda tħawwad. Umbagħad qaltli l-istorja ta' ħajjitha u qbadt nibki. Missierha monstru.

Tah attakk tal-qalb u 'qas biss marret tgħinu.

***

Tal-mutur kien għaddej, b'xagħru jtir mar-riħ. Jidħak, ja poxt. Minjaf fejn kien sejjer?

***

Iftaħ dak l-ostra bieb. Hemm għalfejn xi ġimgħ'oħra nistenniek fuq il-bankina? Ma nafx x'jisimha d-dar u x'inhu l-indirizz, imma naf li din hi d-dar. Iftaħ!

Hawn ħafna kesħa llejla. U jien m'għandix xemgħat x'nixgħel illejla. Illejla. Illum.

Iftaħ! Hemm għalfejn noqgħod inċempillek il-qanpiena? Jew fid-dlam m'intix tarani?

Stenn'. Dak, dak dawl jew, x'inhu? Nispera li mhux nara d-dawl għax m'għandix aptit noqgħod nimxi sa l-istage ta' tal-linja għax waqa' l-lejl. U l-bard, ħafna bard.

***

- Ara min qala l-baħar! X'minnek?

- Orrajt, orrajt jien. Isma' ħa naħrab għax għandi appuntament daqt l-uffiċċju.

- Kompli, kompli.

***

Ġimagħtejn ilu ħabtu x-Xemxija. Inteħen ix-xufier u passiġġiera miegħu x'is-siegħa ta' fil-għodu. Il-ġenb tal-bus shelter ġie massa frak tal-ħġieġ, u dakinhar stess malli sebaħ, il-familjari ħadu l-fjuri ma' l-arblu li ntemmu fih.

Il-bieraħ ħarist lejn il-bus shelter. Il-ġenb irranġawhulu u m'għadux mitħun. L-arblu reġgħu poġġewh. U fadal dawk iz-zewġ bukketti tal-fjuri, sakemm ma ġabux xi tnejn ġodda.

Jaħsbu li xi ħadd jimpurtaħ min-niket tagħhom? Igawduh huma jekk iridu n-niket. Mhux kulħadd għandu tiegħu? X'jitnejjek kulħadd min-niket u l-bukketti tagħhom?

Iġri jneħħuhom 'l hemm. M'għandniex x'nambuhom is-sinjali ta' niket fil-pubbliku. Għandi pjaċir jekk għandhom in-niket, imma talanqas iżommuh għalihom.

Mhux kulħadd għandu tiegħu?

La vita è bella

Xi kultant tkun trid tikteb ħafna affarijiet. Fuq kif hawn ċertu nies japprofittaw mill-iktar mument dgħajjef ta' nies oħrajn. Fuq kif iż-żminijiet inbidlu u l-"għal dejjem" ma treġi għal dejjem xejn, fil-verita'.

Tħossok stramb għax mhumiex affarijiet li ġraw lilek u ma tistax titkellem fuqhom minħabba raġunijiet ta' kunfidenzjalita'. Tħossok iktar stramb li tasal li tissimpatizza għal kollox ma' li qed jiġri għax tisħel tilmaħ l-impressjoni li din hija r-realta' għal ħaddieħor u deja-vu għalik.

I do.

Fort Campbell

Fl-aħħar, ġurnata xemxija.

Ikun beħsiebek tikteb fuq il-passiġġata ta' siegħa li għamilt sa ma ntlift fil-kwiet u s-saħar ta' Selmun waqt li ttektek fuq il-mowbajl għal nofs it-triq, imma mbagħad tasal id-dar u taqa' d-dalma, terġa'. U bħal donnu jmurlek l-aptit.

Għax l-arja pura ma tistax taħseb fiha qalb id-dħaħen u l-istorbju tal-ħornijiet tal-karozzi, u wara nofsinhar dell ikun hawn hawn, mhux ix-xemx tisreġ. Anka s-sħana fuq wiċċek li reġgħet tagħtek saħħtek għal ftit; tibred, tiksaħ, tmut, tintesa.

Bil-kemm ma titħajjarx taqbdek uġigħ ta' ras tant kemm kienet taħraq ix-xemx imma, f'dik is-siegħa jew kemm. Għax hekk jiġri: avolja jkun ilha li ħallietek is-sħana, l-uġigħ xorta hemm jibqa'.

Tiftakar li f'dak l-istess post, sitt snin ilu mal-bidu ta' millenju li kellu jġib id-dinja għall-aħjar, kont hemm tiċċassa lejn ix-xemx imdennsa titqanżaħ minn bejn is-sħab biex tirkeb it-torri tal-Portmaso fl-orizzont, fis-sitta ta' fil-għodu. Terġa' tara quddiem għajnejk iċ-ċpar, is-sema griż ċass u x-xemx ħamra fl-oranġjo fjakka ta' dakinhar.

Tiftakar li, fil-fatt, la lid-dinja u lanqas lilek ma ġablek xejn daqshekk speċjali l-millenju. Dik ix-xemx fjakka ta' dakinhar 'qas biss kellha biżżejjed saħħa biex imqar ittebba' l-madwar b'lewnha, aħseb u ara kemm se ddawwal kull wied fond u mudlam.

Imma talanqas, dik ix-xemx fjakka ma kinetx tweġġa' r-ras. Għallinqas.

U għandek tgħid, it-tifrik tal-fortizza li fi żmienha - żmien twil ilu - kienet tgħasses id-daħla tal-Mistra, kollu hemm baqa' wkoll. Għadha ssaħħrek il-fortizza. Forsi għax illum tifhem minn xiex għaddiet. Minjaf kemm-il quddiesa sewda rat ma' wiċċha fil-qamar kwinta; minjaf kemm-il koppja laqgħet fi ħdanha waqt li xaqq l-għaraq għaż-żewġ namrati fil-bqija ta' l-iljieli minsija mill-qamar. Imma l-fortizza hemm baqgħet. Imfarrka, żdingata, kollha taħżiż, biċċiet tal-ħġieġ imkisser kull fejn tara. Imma hemm baqgħet. U xorta għadek temmen li mhix mibnija mill-ġebel, imma mill-mirja. Kif tista' tara lilek innifsek daqshekk tajjeb fil-ġebel kieku?

B.Pharm II 3/6/93

Angela 28-12-03

KEITH 92/3
ClAIRE
Alicia

SS

Xkupa Party <<<<

Detox

L-agħar wieħed stejqer.

U l-oħrajn?

Sahara

Tiftakar, F.? Xi darba konna ħbieb, ħbieb kbar.

Konna nċemplu, konna nidħku, konna nitkellmu, konna nagħmlu l-praspar, konna niġġieldu biex noħorġu minn xi basla li nkunu dħalna fiha. Konna ngħaddu prattikament żmien l-iskola l-ħin kollu flimkien. Jien, int u A. Kienu żminijiet mill-isbaħ dawk.

Umbagħad, jekk tiftakar sew, tliet snin ilu jien kont ma' M. u int kont ma' E. Ġara li ġara m'M. Niftakar it-ton ta' leħnek fuq it-telefon -- issabbar, titkellem u tipprova tirranġa. U kien irnexxielek, għal ftit żmien, sa ma reġgħet bdiet ix-xita u d-dulluvji, u l-għargħar kaxkar miegħu l-ħamrija u l-ftit ħxejjex li kien hemm. Kemm il-ħżiena u kemm it-tajba.

Konna bqajna nitkellmu imma, matul dak il-perjodu kiefer ta' jasar akkademiku fi tmiem il-ħames sena li kont nafek. Il-perjodu li kont dħalt għalih bl-apatija t'issa, jekk mhux agħar. Ħbieb, ħbieb kbar konna.

Ġara li mbagħad iċ-ċirkostanzi riedu li nibdel il-klikka. Jew aħjar, naqta' l-kuntatt għax fl-aħħar sibt lil xi ħadd li kien qed jgħini nqum mit-tisbita ta' M. u rebaħni. U kont kuntent. Umbagħad gerbu s-snin, u jien erġajt tlift il-logħba. Jew aħjar, inħsadt meta reġgħet qabdet ix-xita u erġajt tkaxkart. Did-darba tkaxkru wkoll is-siġar il-kbar, il-ħlejqiet u l-foresti li laħqu nibtu fejn xi darba kien hemm il-ħarruba u l-ħamrija niexfa qoxqox.

Xtaqt issir avukat, niftakrek; minn dejjem niftakrek li kont konvint li tistudja l-liġi. Illum kważi kważi nista' ngħid li ma nafx x'sar minnek. 'Qas int stess ma taf, naħseb. Anzi mhux naħseb, imma ċert.

Ma rrid ngħidlek xejn speċjali, imma xi kultant inħares b'ċertu nostalġija kiefra lura lejn dak iż-żmien taż-żufjett tiegħek, tiegħi u t'A., il-kliem ta' faraġ u l-preżenza. Kemm jgħaddi ż-żmien hux? Anka n-nies bħalek qabel inbdilt jitilqu maż-żmien, tafx. Għandhom ħabta jiġu żminijiet fejn fid-deżert imneżża' li jkun fadal wara l-maltemp ma tibqax ruħ imġiddma, u l-ħsejjes ta' l-irwiefen ivenvnu u jkaxkru r-ramel u ż-żrar jieħdu forom tal-waħx, b'mod speċjali matul il-lejl.

Reunion

Kien ili ma nersaq 'l hemm.

Xi kultant xtaqt li ma nerġax immur qalb l-għelieqi ħielsa u puri għax il-ġebel beda jinbidel u r-riħa t'umdita' ħafifa nbidlet ukoll. Anka l-kmamar qalbu, u għalkemm kien dalam sew, anka l-koppla li tellgħu rajt.

Ridt li jkun hemm kulħadd.

Imma fl-istess ħin ma xtaqthomx kollha. Nippreferi niftakarhom fil-passat milli nara surithom fil-preżent u wisq inqas fil-futur, għax dan l-aħħar il-waħx qed nipprova niskansah meta nkun nista'. Aħjar hekk. Għax il-jien marridux jerġa' joqgħod iqabbel il-paġni fid-djarji mad-dati fuq il-kalendarju. Hekk forsi xi darba jikkonvinċi lilu nnifsu sabiex jgħix fil-lum u jinsa l-bieraħ. Dak qatt ma jista jerġa' jkun. Jekk ma jogħġbux, jaf x'għandu jagħmel. M'hemmx bogħod, fuq kollox.

* * *

Ironika kif mal-tluq kont iltqajt mad-dawl u maż-żjara tal-lum, qed tinħaraq il-bozza. Ilha tinħaraq bil-mod il-mod, ngħiduha kif inhi. Imma issa donnha waslet fi tmiemha, bħal ħafna affarijiet oħra.

Meta se nerġgħu niltaqgħu, ħuti?